Monday, 31 December 2018

బంగారం సేఎస్.ఎస్ అంటే అర్ధం అదేనా?

తెలుగు చలనచిత్రాన్ని దేశవిదేశాలకు వ్యాప్తి చేయడమే కాకుండా రికార్డుల మోత మోగించిన దర్శకుడు రాజమౌళి ఇంట పెళ్లి సందడి జరిగిన సంగతి తెలిసిందే. రాజమౌళి తనయుడు కార్తికేయ, జగపతి బాబు సోదరుడి కూతురు అయినా పూజ ప్రసాద్ ల పెళ్లి జైపూర్ లో ఘనంగా జరిగింది. ఈ పెళ్ళికి టాలీవుడ్ సినీ ప్రముఖులు అందరు హాజరైన సంగతి తెలిసిందే. ఈ పెళ్ళికి సంబందించిన వీడియోలు సోషల్ మీడియాలో వైరల్ అవుతున్నాయి.

ఈ వీడియోలతో పాటు ఓ హ్యాష్ టాగ్ కూడా హైలైట్ గా మారింది. అదే bangaram saysSS అనే హ్యాష్ ట్యాగ్. అయితే ఎందుకు హ్యాష్ ట్యాగ్ ను వాడుతున్నారు అని తెలుసుకోటానికి నెటిజన్స్ గూగుల్ లో తెగ సెర్చ్ చేస్తున్నారు. దాంతో ఇప్పుడు ఈ పదం వైరల్ అయ్యింది. ఇదిలా వైరల్ గా మారడంతో దీని వెనుక అర్ధం ఏమిటంటే.... కార్తికేయ తన భార్యను బంగారం అని పిలుస్తాడట.

ఇక పూజ మాత్రం కార్తికేయ రాజమౌళి ఇంటి పేరుని ఎస్.ఎస్ తో పిలుస్తుందట. దాంతో ఈ bangaram saysSS అనే పదాన్ని హ్యాష్ ట్యాగ్ తో వైరల్ చేయాల్సిందిగా స్వయంగా రాజమౌళినే సూచించాడట. వీరి పెళ్లి ఆహ్వానపత్రికలపైనా కూడా bangaram saysSS అనే హ్యాష్ టాగ్ ను ప్రత్యేకించి ముద్రించినట్లు సమాచారం. వాస్త‌వానికి దీన్ని పెద్ద‌గా ఎవ‌రూ గ‌మ‌నించ‌లేదు.

కానీ, మెగాప‌వ‌ర్ స్టార్ రామ్ చ‌ర‌ణ్ భార్య ఉపాస‌న ట్విట్ట‌ర్లో చ‌ర‌ణ్ ఫోటోల‌ను పోస్ట్ చేసే క్ర‌మంలో (#BangaramSaysSS) అనే హ్యాష్ టాగ్ ను త‌గిలించింది. ఈమె తో పాటుగా వెడ్డింగ్ కు హాజ‌రైన సినీ ప్ర‌ముఖులంతా ఈ హ్యాష్ టాగ్ ను వాడ‌టంతో ఒక్క‌సారిగా ఈ వ‌ర్డ్ ట్రెండింగ్ గామారింది. దీంతో, దీని అర్థం తెలుసుకునేందుకు నెటిజ‌న్లు కూడా చాలా ముచ్చ‌ట ప‌డుతుండ‌టంతో మ‌రింత వైర‌ల్ అవుతోంది

Popular Posts